AFEW-Тоҷикистон усулҳои нави кор ва рушди Шӯроҳои намояндагони гурӯҳҳои осебпазири аҳолиро ҷорӣ менамояд

17 ва 24 майи соли 2018 дар шаҳрҳои Кӯлоб ва Бохтари вилояти Хатлон вохӯриҳои навбатии намояндагони Маркази Ҷумхуриявии пешгирӣ ва мубориза бар зидди ВНМО, AFEW-Тоҷикистон, ташкилотҳои хизматрасон, ки дар соҳаи ВНМО фаъолият менамоянд ва ҷомеаи нашъамандони тазриқӣ ташкил карда шуданд. 

Мақсад аз чорабинӣ ин шиносоии шарикон бо  усулҳои нави AFEW-Тоҷикистон доир ба беҳтар намудани дастрасии гурӯҳҳо осебпазири аҳолӣ ба онлайн машваратҳои мутахассисони соҳаи тиб ва ҳуқуқшиносони портали www.afew.tj ва хизматрасонии тесткунонии фаврӣ ва машварати тотестӣ оиди ВНМО дар назди ташкилотҳои ҷамъиятӣ буд.

Дар рафти вохӯрии корӣ AFEW - Тоҷикистон маълумот доир ба модели инноватсионии ичтимоии аз нав ҳамгироии нашъамандони тазриқӣ, ки ба дастгирии худидоракунӣ ва ҳавасмандии нашъамандони табобатшудаистода ба пайравии доимии ТЗР ва ТҶЁ, омӯзшҳои касбӣ, омӯзиши банақшагирии бизнес ва шуғли минбаъда равона карда шудааст, пешниҳод намуд.

Дар соли 2018, AFEW - Тоҷикистон татбиқи стратегияи дарозмуддати худро оид ба васеъ намудани иштирок ва ҷалб намудани гурӯҳҳои осебпазири аҳолӣба банақшагирӣ, татбиқва мониторинги лоиҳаҳое, ки дар соҳаи ВНМО/БПНМ амалӣ карда мешаванд, идома медиҳад. Дар рафти вохӯрӣ AFEW-Тоҷикистон натиҷаҳои таъсис додани Шӯроҳои намояндагони осебпазири аҳолӣва ҷорӣ намудани низоми баррасии шикоятҳои мизоҷон дар назди ташкилотҳои ҷамъиятӣ дар шаҳрҳои Душанбе, Бохтар, Кӯлоб ва Хуҷанд пешкаш намуд. Маълумот дар бораи системаи шикоятҳо ва кор дар таъсиси Шӯрои намояндагон ГОА аз ҷониби роҳбари ташкилоти ҷамъятии  «Шабакаи Тоҷикистонии занони мубталои ВНМО» пешниҳод карда шуд.

Чорабиниҳои мазкур дар ҳамкорӣ бо МД «Маркази Ҷумҳуриявии пешгирӣ ва мубориза бар зидди ВНМО» ВТҲИА ҶТ дар доираи лоиҳаи «Коҳиши норасоӣ: тандурустӣ ва ҳуқуқҳои гурӯҳҳои осебпазири аҳолӣ-2.0», ки аз ҷониби Вазорати корҳои хориҷии Нидерландия маблағгузорӣ карда мешавад, ташкил карда шуд. 3 майи соли равон дар шаҳри Хуҷанд вохӯрии кории шабеҳ бо ташкилотҳои ҷамъиятии маҳаллӣ баргузор гардида буд. маълумоти пурра

• Қаблӣ
• Баъдӣ