AFEW-Тоҷикистон усулҳои нави кор ва рушди Шӯроҳои намояндагони гурӯҳҳои осебпазири аҳолиро ҷорӣ менамояд

3 майи соли 2018 дар шаҳри Хуҷанд, вохӯрии корӣ бо иштироки 20 намояндаи Маркази Ҷумхуриявии пешгирӣ ва мубориза бар зидди ВНМО, гурӯҳҳои осебпазири аҳолӣ аз ҷумла нашъамандони тазриқӣ ва ташкилотҳои хизматрасон, ки дар соҳаи ВНМО фаъолият менамоянд, баргузор гардид.  

Иштирокчиёни вохӯрӣ бо усулҳои нави AFEW-Тоҷикистон доир ба беҳтар намудани дастрасии гурӯҳҳо осебпазири аҳолӣ ба онлайн машваратҳои мутахассисони соҳаи тиб ва ҳуқуқшиносони портали www.afew.tj ва хизматрасонии машварати тотестӣ ва тесткунонии ВНМО дар назди  ташкилотҳои ҷамъиятӣ шинос шуданд.

AFEW - Тоҷикистон шарикони маҳаллиро ба вохӯрии корӣ даъват намуда ба онҳо маълумот доир ба модели инноватсионии иҷтимоии аз нав ҳамгироии нашъамандони тазриқӣ, ки ба дастгирии худидоракунӣ ва ҳавасмандии нашъамандони табобатшудаистода ба пайравии доимии ТЗР ва ТҶЁ, омӯзишҳои касбӣ, омӯзиши банақшагирии бизнес ва шуғли минбаъда равона карда шудааст, пешниҳод намуд.

Дар соли 2018, AFEW - Тоҷикистон татбиқи стратегияи дарозмуддати худро оид ба васеъ намудани иштирок ва ҷалб намудани гурӯҳҳои осебпазири аҳолӣ ба банақшагирӣ, татбиқ ва мониторинги лоиҳаҳое, ки дар соҳаи ВНМО/БПНМ амалӣ карда мешаванд, идома медиҳад. Дар рафти вохӯрӣ AFEW-Тоҷикистон натиҷаҳои таъсис додани Шӯроҳои намояндагони осебпазири аҳолӣва ҷорӣ намудани низоми баррасии шикоятҳои мизоҷон дар назди ташкилотҳои ҷамъиятӣ дар шаҳрҳои Душанбе, Бохтар, Кӯлоб ва Хуҷанд пешкаш намуд. Маълумот дар бораи системаи шикоятҳо ва кор дар таъсиси Шӯрои намояндагон ГОА аз ҷониби роҳбари ташкилоти ҷамъятии  «Шабакаи Тоҷикистонии занони мубталои ВНМО» пешниҳод карда шуд.

Чорабинии мазкур дар ҳамкорӣ бо МД «Маркази Ҷумҳуриявии пешгирӣ ва мубориза бар зидди ВНМО» ВТҲИА ҶТ дар доираи лоиҳаи «Коҳиши норасоӣ дар соҳаи тандурустӣ ва ҳуқуқҳои гурӯҳҳои осебпазири аҳолӣ-2.0», ки аз ҷониби Вазорати корҳои хориҷии Нидерландия маблағгузорӣ карда мешавад, ташкил карда шуд. 

• Қаблӣ
• Баъдӣ