ПЕШГИРИИ БЕМОРИИ ВНМО ДАР БАЙНИ КОРМАНДОНИ МУАССИСАҲОИ ИСЛОҲИИ ҶУМҲУРИИ ТОҶИКИСТОН

2 июли соли 2018 ташкилоти ҷамъиятии ҷумҳуриявии «СФШҒ-Тоҷикистон» ба амалигардонии нақшаи муштарак оиди гузаронидани дарсҳои кӯтоҳмуддат дар мавзӯи:«ВНМО/БПНМ ва ташкил намудани машварат ва ташхиси ихтиёрии бемории ВНМО дай байни кормандони системаи пенитенсиарии Ҷумҳурии Тоҷикистон» оғоз намуд.

Мутобиқи нақша, ки аз ҷониби Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон тасдиқ шудааст, аз 3-юми июл то 31 августи соли 2018, кормандони СФШҒ-Тоҷикистон бо мутахассисони Маркази ҷумҳуриявии пешгирӣ ва мубориза бар зидди бемории СПИД дар Ҷумҳурии Тоҷикистон дарсҳои кӯтоҳмуддати иттилоотро дар мавзӯи: «ВНМО: Роҳҳои сироят ва чорабиниҳои пешгирӣ» ташкил мекунад. Дар дарсҳои кӯтоҳмуддат сарбозони хадамоти бехатарӣ ва кормандони ғайритиббии муассисаҳои ислоҳии калони  шаҳрҳои Душанбе, Ваҳдат, Норак, Ёвон ва Хуҷанд иштирок мекунанд. Дар охиридарсҳои кӯтоҳмуддат, ба хоҳишмандон гузаштани  машварат ва ташхиси ихтиёрӣ оид ба ВНМО пешниҳод карда мешаванд.

Чорабиниҳои муштарак дар доираи лоиҳаи "Коҳиши норасоӣ: саломатӣ ва ҳуқуқҳои гурӯҳҳои осебпазири аҳолӣ - 2.0", ки аз ҷониби Вазорати корҳои хориҷии Нидерландия маблағгузорӣ карда мешавад, ташкил карда мешаванд.

Маълумот: ТҶҶ "СФШҒ-Тоҷикистон" аз соли 2003 барномаҳои пешгирикунандаи ҳифзи саломатӣ, пешгирии ВНМО ва пешгирии бемории силро дар Системаи иҷрои ҷазоҳои ҷиноятии Ҷумҳурии Тоҷикистон амалӣ мегардонад.

http://www.afew.tj/tg/gallery/428-tashkhisi-vnmo-dar-muassisahoi-islohi.html

• Қаблӣ
• Баъдӣ