26 октябри соли 2017 дар шаҳри Кӯлоб вохӯрии корӣ оид ба «Саҳмгузории кормандони милитсия дар амалисозии Барномаи миллӣоид ба муқовимат ба эпидемияи вируси норасоии масунияти одам дар Ҷумҳурии Тоҷикистон барои солҳои 2017-2020» барпо гардид.

МАЪЛУМОТНОМА 

26 октябри соли 2017 дар шаҳри Кӯлоб  вохӯрии корӣ оид ба «Саҳмгузории кормандони милитсия дар амалисозии Барномаи миллӣоид ба муқовимат ба эпидемияи вируси норасоии масунияти одам дар Ҷумҳурии Тоҷикистон барои солҳои 2017-2020» барпо гардид.

Чорабинии мазкур аз ҷониби ташкилоти ҷумҳуриявии ҷамъиятии «СФШҒ-Тоҷикистон» дар ҳамкорӣ бо Вазорати корҳои дохилии Ҷумҳурии Тоҷикистон ва МД «Маркази ҷумҳуриявии пешгирӣ ва мубориза бар зидди бемории ВНМО» ташкил карда шуд.

Дар вохӯрии  мазкур 45 нафар намояндагони ВКД, дигар сохторҳои давлатӣ ва ташкилотҳои ҷамъиятӣ аз ВМКБ, вилоятҳои Хатлон, Суғд ва аз шаҳри Душанбе иштирок намуданд.

Мақсади асосии чорабинии гузаронидашуда - ин танзим ва васеъшавии хамкори  байни ВКД ҶТ ва ташкилотҳои ҷамъиятие, ки  бо гурӯҳҳои осебпазири аҳолӣдар соҳаи ВНМО дар доираи Барномаи миллӣ оид ба муқовимат ба эпидемияи вируси  норасоии масунияти одам дар Ҷумҳурии Тоҷикистон фаолият доранд, мебошад.

Иштирокчиён бо муқаррароти асосии Қонуни Ҷумҳурии Тоҳикистон «Оиди  муқовимат ба эпидемияи вируси норасоии масунияти одам ва бемории пайдошудаи норасои масуният», бо Дастурамали «Тартиби амалигардонии пешгирии сирояти ВНМО дар байни ҳайати шахсии ВКД ҶТ, ки бо гурӯҳҳои осебпазири аҳолӣ кор мекунанд» ва бо ташкилотҳои ҷамъиятие, ки дар соҳаи пешгирии ВНМО ва қӯмаки иҷтимоии гурӯҳҳои осебпазири аҳолӣф аъолият доранд, шинос шуданд.

"Бо шарофати вохӯрии кории мазкур мо тавонистем наздиктар шинос шавем, фаолияти  худро нишон диҳем ва якҷоя бо кормандони милитсия роҳҳои бартараф намудани мушкилотҳоро дар пешниҳод намудани хизматрасониҳо барои одамони бо ВНМО зиндагикунанда ва нашъамандон муҳокима намоем».- фикри худро баён намуд Насим Файзов директори ТҶ «СВОН Плюс».

Вохӯрии корӣ дар доираи лоиҳаи «Коҳиши норасоӣ дар соҳаи тандурустӣ ва хуқуқҳо барои гурӯҳҳои осебпазири аҳолӣ-2.0», ки аз тарафи Вазорати корҳои хориҷии Нидерландия  маблағгузорӣ карда мешавад, ташкил карда шуд. 

http://www.afew.tj/tg/gallery/386-vokhurihoi-kori.html

• Қаблӣ
• Баъдӣ