6 сентябри соли 2017 дар шаҳри Хуҷанд вохӯрии корӣ оид ба «Дурномаҳои миллӣ доир ба васеъ намудани дастрасӣ ба ташхиси ВНМО. Чораҳои мукаммал дар иҷроияи дурномаи 90х90х90и UNAIDS» баргузор гардид.

МАЪЛУМОТНОМА

6 сентябри соли 2017  дар шаҳри Хуҷанд вохӯрии корӣ оид ба «Дурномаҳои миллӣ доир ба васеъ намудани дастрасӣ ба ташхиси ВНМО. Чораҳои мукаммал дар иҷроияи дурномаи 90х90х90и UNAIDS» баргузор гардид.

Чорабинии мазкур аз ҷониби ташкилоти ҷумҳуриявии ҷамъиятии «СФШҒ-Тоҷикистон» дар ҳамкорӣ бо Раёсати тандурустии Мақомоти иҷроияи ҳокимияти давлатии вилояти Суғд, МД «Маркази ҷумҳуриявии пешгирӣ ва мубориза бар зидди бемории ВНМО» дар доираи татбиқи нақшаи муштараки Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва «СФШҒ-Тоҷикистон» барои соли 2017 сол ташкил карда шуд.

Дар чорабинии мазкур 50 намояндагони ташкилотҳои давлатӣ, ҷамъиятӣ ва байналмилалӣ аз ВМКБ, вилоятҳои Хатлон ва Суғд, инчунин аз шаҳри Душанбе иштирок намуданд.

Мақсади асосии чорабинии пешбинишуда - ин мустаҳкам намудани ҳамкорӣ байни ташкилотҳои давлатӣ ва ҷамъиятӣ барои таъмини пешкаш намудани хизматрасониҳои ҳамаҷониба, ҳамоҳанг ва муттаҳид барои гурӯҳҳои осебпазири аҳолӣ дар соҳаи ВНМО ва Сил/ВНМО буд.

Дар қисми аввали вохӯрӣ иштирокчиён бо муқаррароти асосии дурнамои нави UNAIDS 90х90х90, фаъолияти асосии Барномаи миллӣ оид ба мубориза бар зидди эпидемияи ВНМО/БПНМ дар Ҷумҳурии Тоҷикистон барои солҳои 2017-2020 ва таҷрибаи «СФШҒ-Тоҷикистон» доир ба ҳамгироии хизматрасонӣ ва татбиқи МИТ шинос шуданд. Дар қисми дуюми чорабинӣ, намояндагони ташкилотҳои ҷамъиятӣдар якҷоягӣ бо роҳбарони Марказҳои пешгирӣ ва мубориза бар зидди бемории ВНМО қадамҳои амалиеро, ки барои татбиқи хизматрасонии МИТ дар назди ташкилотҳои ҷамъиятӣ мусоидат менамоянд, коркард намуданд. 

"Ба шарофати вохӯрии кории мазкур ман доир ба чӣ тавр ташкил намудани ҳуҷраи  МИТ дар назди ташкилоти ҷамъиятӣ, аз чӣбояд корро оғоз намоям, кадом ҳуҷҷатҳои ба мо заруриро тайёр кунам ва ба кадом хадамотҳои давлатӣмуроҷиат карданамро  фаҳмидам. Ин гуна мулоқот, аз ҷумла, машқҳои амалӣ, ба андешаи ман, моро бо шарикони мо муттаҳид менамоянд ва метавонад ба рушди касбии шахсии ҳар як иштирокчӣтаъсири худро расонанд»-фикри худро баён мекунад Таҳмина Ҳайдаров, директори ТҶ «Шабакаи занони Тоҷикистонии мубталои ВНМО» дар шаҳри Душанбе.

Намунаи пешниҳодшудаи вохӯрии корӣ  ба намояндагони гурӯҳҳои ташаббускори нашъамандони тазриқӣ,  ҷомеаи шахсони бо ВНМО зиндагикунанда ва  ташкилотҳои ҷамъиятие,  ки хизматрасониҳо дар соҳаи ВНМО мерасонанд, якҷоя бо директорони марказҳои пешгирӣва мубориза бар зидди ВНМО барои муҳокимаи масъалаҳои асосӣдоир ба амалӣнамудани фаъолиятҳое, ки ба дастрасии ташаббуси UNAIDS 90х90х90 дар татбиқи Барномаи миллии эпидемияи ВНМО дар давраи солҳои 2017-2020 кӯмак мерасонад, мусоидат намуд.

Вохӯрии корӣ дар доираи лоиҳа «Коҳиши норасоӣ дар соҳаи тандурустӣ ва хуқуқҳо барои гурӯҳҳои осебпазири аҳолӣ-2.0», ки аз тарафи Вазорати корҳои хориҷии Нидерландия, маблағгузорӣ карда мешавад, ташкил карда шуд.

http://www.afew.tj/tg/gallery/386-vokhurihoi-kori.html

• Қаблӣ
• Баъдӣ