Кормандони муассисаҳои ислоҳӣ ва кормандони ташкилотҳои ҷамъиятӣ малакаи корро бо маҳкумшудагон ва озодшавандагон такмил медиҳанд

09-10 декабр дар ш. Душанбе дар «Лоиҳа оиди пешгирии ВНМО  - барномаи муштарак оиди пешгирии ВНМО дар байни махкумшудагон дар Казокистон, Киргизистон ва Точикистон» тренинги  «СТАРТ Плюс: кумаки иҷтимоии маҳкумшудагон ва давраи озодшави» доир  гардид.

Чорабинӣ аз ҷониби Ташкилоти ҷумҳуриявии ҷамъиятии «СПИД Фонд Шарқу Ғарб – Тоҷикистон» (AFEW) дар якҷоягӣ бо Сарраёсати иҷрои ҷазои ҷиноии Вазорати адлияи Ҷумҳурии Тоҷикистон (СИҶҶ) ташкил карда шуд.

Дар тренинг 24 корманди муассисаҳои СИҶҶ ва ташкилотҳои  ҷамъиятие, ки чорабиниҳои якҷояро татбиқ менамоянд, иштирок намуданд. 

Мақсади тренинг  такмили донишу малака оид ба ташкили кор мебошад,  ки ба пешгирӣ кардани ВНМО дар байни маҳкумшудагон ва мушоиати иҷтимоии онҳо пас аз озодшавӣ  равона карда шудааст.

Кумаки иҷтимоии Барномаи СТАРТ Плюс расонидани кӯмаки тиббӣ, психологӣ ва иҷтимоиро ба шахсоне пешбинӣ менамояд,  ки бо ВНМО ҳаёт ба сар мебаранд, инчунин нашъамандони озодшаванда аз ҷойҳои маҳрумшавӣ аз озодӣ.

Тренинги доиргардида яке аз марҳилаҳои муҳими тайёркунии мутахассисоне буд,  ки бо маҳкумшудагон дар доираи «Лоиҳа оиди пешгирии ВНМО  - барномаи муштарак оиди пешгирии ВНМО дар байни махкумшудагон дар Казокистон, Киргизистон ва Точикистон», ки аз ҷониби Очонсии ИМА оид ба рушди байналхалкӣ (USAID) сармоягузорӣ  мешавад, кор мебаранд.