Дар Бохтар масоили беҳтарсозии ҳамкории марказҳои зиддисилӣ, ташкилотҳои ҷамъиятӣ ва КАТС баррасӣ шуд

15 апрели соли 2022 Ташкилоти ҷамъиятии ҷумҳуриявии «Афиф» ва Маркази ҷумҳуриявии ҳимояи аҳолӣ аз бемории сил вохӯрии кории ташкилотҳои шарикро оид ба расонидани хизматрасонии тиббию иҷтимоӣ ба гурӯҳҳои калидии аҳолии вилояти Хатлон баргузор намуд.

Дар чорабинӣ намояндагони Раёсати тандурустй, марказҳои ҳимояи аҳолӣ аз бемории сил, муассисахои кӯмаки аввалияти тиббию санитарӣ, инчунин кормандони ташкилотҳои ҷамъиятй ва намояндагони гурӯҳҳои осебпазири аҳолии вилоят иштирок доштанд. Дар рафти вохӯрӣ иштирокчиён масъалаҳои таҳкими ҳамкорӣ оид ба дарёфти саривақтии ҳолатҳои бемории сил ва сили ба дорувор устувор дар байни гурӯҳи ҳадафии лоиҳаро баррасӣ намуда, натиҷаҳои фаъолияти лоиҳаро оид ба фарогирии гурӯҳи ҳадафӣ бо чорабиниҳои пешгирикунанда баррасӣ намуданд.

Вохӯрии мазкур дар доираи лоиҳаи БРСММ-Тоҷикистон «Пурзӯркунии шароити мусоид ва васеъ намудани миқёси чорабиниҳои профилактикӣ ва табобатӣ барои коҳиш додани сатҳи сирояти ВНМО ва бемории сил дар Ҷумҳурии Тоҷикистон» ташкил ва баргузор гардид.

• Қаблӣ
• Баъдӣ