ТҶҶ "Афиф" - "Беҳтарин ҳимоятгари ҳуқуқи муҳоҷирон"

ТҶҶ "Афиф" - "Беҳтарин ҳимоятгари ҳуқуқи муҳоҷирон"

Ташкилоти ҷамъиятии ҷумҳуриявии "Афиф" барандаи ҷоизаи "Беҳтарин ҳимоятгари ҳуқуқи муҳоҷирон" дар номинаи "Ташаббус / лоиҳаи беҳтарин, ки ба барқароршавии иҷтимоию иқтисодии муҳоҷирони меҳнатии баргашта равона шудааст" гардид.

Озмун ба муносибати Рӯзи байналмилалии муҳоҷирон, ки ҳамасола дар ҷаҳон 18 декабр таҷлил мешавад, аз ҷониби Ташкилоти ҷамъиятии "Маркази ҳуқуқи инсон" бо cарпарастии Ибтикори байналмилалӣ оид ба муҳоҷирати бунёди Ҷамъияти кушодаи Бритониё ташкил карда шуд.

Ғояи асосии озмун ин қадр ва эътироф кардани кӯшишҳои нафароне мебошад, ки ҳуқуқи ҳамватанони моро дар Тоҷикистон ва берун аз он бо ҳар гуна василаи қонунӣ ҳимоя менамоянд.

ТҶҶ "Афиф" ба озмун лоиҳаи "Паст кардани оқибатҳои иҷтимоӣ, тиббӣ, ҳуқуқӣ ва иқтисодӣ дар ҳаёти заноне, ки аз муҳоҷирати меҳнатӣ баргаштаанд ё аз Федератсияи Русия депортатсия шудаанд", ки бо дастгирии молиявии Шӯъбаи Ташкилоти Байналмилалии Институти «Ҷамъияти Кушода» – Бунёди Мадад дар Тоҷикистон амалӣ шуда буд, пешниҳод намуд ва дар натиҷа саҳми гурӯҳи "Афиф" дар соҳаи ҳифзи ҳуқуқ ва саломатии занони аз муҳоҷирати меҳнатӣ баргашта қадр карда шуд. 

• Қаблӣ
• Баъдӣ