Кормандони тиббии системаи иҷрои ҷазои ҷиноятӣ оид ба хусусиятҳои табобати COVID-19 ва истифодаи дастгоҳи нафасдиҳии сунъӣ омӯзонида мешаванд

Кормандони тиббии системаи иҷрои ҷазои ҷиноятӣ  оид ба хусусиятҳои табобати COVID-19 ва истифодаи дастгоҳи нафасдиҳии сунъӣ омӯзонида мешаванд

         Аз 2 то 23 ноябри соли 2020 бо дастгирии техникии Ташкилоти ҷамъиятии ҷумҳуриявии "Афиф" дар ҳамкорӣ бо Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон ва Муассисаи давлатии таълимии "Донишкадаи таҳсилоти баъдидипломии кормандони соҳаи тандурустии Ҷумҳурии Тоҷикистон" машғулияти омӯзишии дуҳафтаина барои 10 корманди тиббии системаи иҷрои ҷазои ҷиноятӣ гузаронида мешавад.

         Иштирокчиён дар бораи хусусиятҳои табобати гирифторони бемории сироятии коронавирус ва истифодаи дастгоҳи нафасдиҳии сунъӣ барои бемориҳои гуногун дар муассисаҳои ислоҳӣ маълумот гирифта, малакаи худро дар машғултиятҳои амалӣ дар шӯъбаи анестезиология ва эҳёи Донишкадаи таҳсилоти баъдидипломии кормандони соҳаи тандурустии Ҷумҳурии Тоҷикистон такмил медиҳанд.

         Чорабинӣ дар доираи лоиҳаи "Тақвияти иқтидори хизматрасонии тиббии муассисаҳои пенитенсиарӣ оид ба пешгирӣ, ташхис, табобати сирояти коронавируси COVID-19 ва таъмини назорати самараноки сироятӣ дар СРИҶҶ Вазорати адлияи Ҷумҳурии Тоҷикистон, ки аз ҷониби Шӯъбаи Ташкилоти Байналмилалии Институти "Ҷамъияти Кушода" Бунёди Мадад дар Тоҷикистон маблағгузорӣ шудааст, сурат мегирад.

• Қаблӣ
• Баъдӣ