22-23 сентябри соли 2020 Ташкилоти ҷамъиятии ҷумҳуриявии “Афиф” дар ҳамкорӣ бо Сарраёсти иҷрои ҷазои ҷиноятии Вазорати адлияи Ҷумҳурии Тоҷикистон машғулияти омӯзиширо дар мавзӯи “Мактаби беморон” баргузор намуд

22-23 сентябрисоли 2020 Ташкилоти ҷамъиятии ҷумҳуриявии “Афиф” дар ҳамкорӣ бо Сарраёсти иҷрои ҷазои ҷиноятии Вазорати адлияи Ҷумҳурии Тоҷикистон машғулияти омӯзиширо дар мавзӯи “Мактаби беморон” баргузор намуд, ки дар он 18 нафар кормандони муассисаҳои ислоҳотӣ ва ташкилотҳои ҷамъиятӣ иштирок карданд.Дар рафти тренинг иштирокчиён бо  роҳҳои ташкил намудани омӯзиши беморон оид ба пешгирӣ ва табобати бемории сил ва ВНМО дар муассисаҳои ислоҳӣ шинос шуданд.

Чорабинӣ дар доираи лоиҳаи “Пешгирӣ ва табобати бемории сил дар муассисаҳои ислоҳӣ”, ки аз ҷониби Агентии ИМА оид ба рушди байналмилалӣ маблағгузорӣ мешавад, баргузор гардид. Мақсади лоиҳаи мазкур ин сафарбаркунии захираҳо ва таҳкими иқтидори бахшҳои пенитенсиарӣ ва шаҳрвандии нигоҳдории тандурустии Ҷумҳурии Тоҷикистон ва ташкилотҳои ҷамъиятӣ ба роҳандози низоми устувори дарёфти бармаҳали бемории сил, табобати саривақтӣ ва дастгирии пайравии табобати сил, сили ба дорувор устувор ва Сил / ВНМО  байни маҳкумшудагон ва маҳбусони озодгашта мебошад. 

• Қаблӣ
• Баъдӣ