18 сентябри соли 2020 дар шаҳри Душанбе Ҷаласаи Гурӯҳи корӣ оид ба ҳифзи саломатӣ дар системаи иҷрои ҷазои ҷиноятии Вазорати адлияи Ҷумҳурии Тоҷикистон (СИҶҶ ВА ҶТ) баргузор гардид

МАЪЛУМОТНОМА

     18 сентябри соли 2020 дар шаҳри  Душанбе Ҷаласаи Гурӯҳи корӣ оид ба ҳифзи саломатӣ дар системаи иҷрои ҷазои ҷиноятии Вазорати адлияи Ҷумҳурии Тоҷикистон (СИҶҶ ВА ҶТ) баргузор гардид, ки дар он 28 намояндагони системаи иҷрои ҷазои ҷиноятии Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, кормандони ташкилотҳои ҷамъиятӣ ва байналмилалӣ иштирок намуданд.

     Иштирокчиёни гурӯҳи корӣ бо натиҷаҳои соли аввали татбиқи лоиҳаи панҷсолаи "Пешгирӣ ва табобати бемории сил дар муассисаҳои ислоҳӣ", ки аз ҷониби Агентии ИМА оид ба рушди байналмилалӣ (USAID) маблағгузорӣ мешавад, шинос шуда, оид ба пешгирии бемории сил ва ВНМО дар системаи пенитенсиарии кишвар табодули афкор карданд.

     Гурӯҳи кории зикршуда аз соли 2003 инҷониб механизми доимии ҳамоҳангкунандаи ҳифзи саломатӣ дар системаи иҷрои ҷазои ҷиноятӣ дар Ҷумҳурии Тоҷикистон мебошад.

Маълумот: Лоиҳаи панҷсолаи USAID "Пешгирӣ ва табобати сил дар муассисаҳои ислоҳӣ" дар Ҷумҳурии Тоҷикистон аз 15 январи соли 2020 аз ҷониби ТҶҶ "Афиф" дар ҳамкорӣ бо СИҶҶ ВА ҶТ, хадамотҳои Вазорати тандурустӣ ва ҳифзи иҷтимоии Ҷумҳурии Тоҷикистон ва ташкилотҳои ҷамъиятии "Амали нек" ва "Вита" амалӣ карда мешавад.

• Қаблӣ
• Баъдӣ