Дастрасӣ дар ҳамоҳангсозии амалҳои зиддисилӣ дар вилояти Хатлон

29 июли соли 2020 дар шаҳри Бохтар вохӯрии кории шарикони шабакаи хизматрасони дар вилояти Хатлон баргузор гардид. Чорабинии мазкур дар доираи лоиҳаи «USAID оид ба барҳам додани бемории сил дар Осиёи Марказӣ», ки аз ҷониби Оҷонсии ИМА оид ба рушди байналмиллалӣ (USAID) маблағгузорӣ мешавад.

Дар вохӯрии корӣ 36 намояндаи Раёсати тандурусти ва ҳифзи иҷтимоии аҳолии макомоти иҷроияи ҳоқимияти давлатии вилояти Хатлон, Марказҳои ҷумҳуриявии ҳифзи аҳолӣ аз бемории сил, пешгирӣ ва мубориза бар зидди бемории ВНМО, шӯъбаи кор бо занон ва оилаи макомоти иҷроияи хокимияти давлатии вилояти Хатлон, шӯъбаи кӯмак ва ҳифзи иҷтимоӣ, раёсати Ҳадамоти муҳочирати Вазорати меҳнат, мухоҷират ва шуғли аҳолии Ҷумҳурии Тоҷикистон дар вилояти Хатлон, Маркази солимии репродуктиви дар вилояти Хатлон, КАТС ва ташкилотҳои ҷамъиятии вилояти Хатлон иштирок карданд.

Дар рафти вохӯрии корӣ иштирокчиён оид ба масалаҳои мустаҳкам намудани ҳамоҳангсозӣ ва ҳамкорӣ дар байни сохторҳои давлатӣ ва ҷамъиятӣ оиди пешгирӣ ва назорати бемории сил дар байни муҳоҷирони меҳнатӣ, шахсони бо ВНМО зиндагикунанда ва гурӯҳҳои осебпазир. Иштирокчиён якҷоя роҳҳои эҳтимолии бартараф намудани монеаҳо ва коҳиш додани тамғагузорӣ ва табъизро дар табобати сил дар байни гурӯҳҳои осёбпазир баррасӣ карданд.

Маълумотнома: Мақсади лоиҳаи «USAID оид ба барҳам додани бемории сил дар Осиёи Марказӣ» ин паст кардани маҳдудиятҳои бемории сил дар Осиёи Марказӣ тавассути устувор намудани иқтидори маҳаллӣ ва минтақавӣ барои беҳтар муайян намудани ва табобати бемории сил дар байни муҳоҷирони меҳнатӣ, шахсони бо ВНМО зиндагикунанда ва инчунин дар байни шахсоне, ки махсусан аз ин беморӣ зарар дидаанд, мебошад.

Лоиҳаи мазкур дар дувоздаҳ шаҳру ноҳияҳои вилоятҳои Хатлон ва Суғд амалӣ мегардад: шаҳрҳои Данғара, Норак, Панҷакент, Хуҷанд, Исфара и ноҳияҳои Темурмалик, Ҷоми, Ашт, Матчоҳ, Бобочон Ғафуров, Спитамен и Ҷабор Расулов.

• Қаблӣ
• Баъдӣ