Вохӯрии кории шарикони шабакаи хизматрасон дар доираи лоиҳаи USAID «Пешгирӣ ва табобати бемории сил дар муассисаҳои ислоҳӣ»

Ташкилоти ҷамъиятии ҷумҳуриявии "Афиф" иттилоъ медиҳад, ки 28 июли соли 2020 дар шаҳри Бохтар вохӯрии кории шарикони шабакаи хизматрасон баргузор гардид. Чорабинии мазкур дар доираи лоиҳаи «Пешгирӣ ва табобати бемории сил дар муассисаҳои ислоҳӣ», ки аз ҷониби Оҷонсии ИМА оид ба рушди байналмиллалӣ (USAID) маблағгузорӣ мешавад.

Дар вохӯрии корӣ 33 намояндаи СРИҶҶ ВА ҶТ, Раёсати тандурусти ва хифзи ичтимоии аҳолии макомоти иҷроияи ҳоқимияти давлатии вилояти Хатлон, Марказҳои ҷумҳуриявии ҳифзи аҳолӣ аз бемории сил, пешгирӣ ва мубориза бар зидди бемории ВНМО, КАТС ва ташкилотҳои ҷамъиятии вилояти Хатлон иштирок карданд.

Дар рафти вохӯрии корӣ иштирокчиён оид ба масалаҳои бартараф намудани монеаҳои сари вақт муайян намудан ва табобати бемории сил дар маҳбасҳо, бақайдгирии собиқ маҳбусон дар марказҳои ҳифзи аҳолӣ аз бемории сил ва пешниҳоди хизматрасониҳои тиббӣ, иҷтимоӣ ва ҳуқуқӣ ба онҳо, ки дар доираи лоиҳа баррасӣ карда мешавад, муҳокима карданд.

Маълумот: Мақсади асосии лоиҳаи "Пешгирӣ ва табобатӣ бемории сил дар муассисахои ислохӣ" сафарбаркунии захираҳо ва мустаҳкам намудани иқтидори бахшҳои саломатии пенитенсиарӣ ва шаҳрвандии Ҷумҳурии Тоҷикистон ва ташкилотҳои ҷамъиятӣ (ТҶ) аз ҷиҳати татбиқи системаи устувори пешгирӣ, табобати саривақтӣ ва дастгирии пайравии табобати сил, сили мутобиқгашта ва Сил / ВНМО дар байни маҳбусон ва маҳбусон дар давраи озодшавӣ бо бемории сил, мебошад.

• Қаблӣ
• Баъдӣ