Тренинг: “Старт Плюс: дастгирии табобати беморони сил ва беморони сили мутобиқгашта дар муассисаҳои ислоҳӣ”

          Дастгирии маҳбусон ва собиқ маҳбусон дар табобати бемории сил ва барқарорсозии иҷтимоӣ

Ташкилоти ҷамъиятии ҷумхуриявии "Афиф" дар ҳамкорӣ бо Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон ва Барномаи миллӣ оид ба ҳифзи аҳолӣ аз бемории сили Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тренинги дурӯза дар мавзӯи: "Старт Плюс: дастгирии табобати беморони сил ва беморони сили мутобиқгашта дар муассисаҳои ислоҳӣ". Тренинг дар санаҳои 2 ва 3 июли соли 2020 дар шаҳри Душанбе дар доираи лоиҳаи "Пешгирӣ ва табобатӣ бемории сил дар муассисаҳои ислоҳӣ", ки аз ҷониби Оҷонсии ИМА оид ба рушди байналмилалӣ (USAID) маблағгузорӣ мешавад, барпо гардид.

Ҳадафи тренинги дурӯза - баланд бардоштани донишу малакаҳои кормандони системаи иҷрои ҷазои ҷиноятии Вазорати адлияи Ҷумҳурии Тоҷикистон ва ташкилотҳои ҷамъиятӣ оид ба пешгирии бемории сил, дастгирии иҷтимоии маҳбусон ва маҳбусони озодшуда.

Мақсади асосии лоиҳаи "Пешгирӣ ва табобатӣ бемории сил дар муассисахои ислохӣ" сафарбаркунии захираҳо ва мустаҳкам намудани иқтидори бахшҳои саломатии пенитенсиарӣ ва шаҳрвандии Ҷумҳурии Тоҷикистон ва ташкилотҳои ҷамъиятӣ аз ҷиҳати татбиқи системаи устувори пешгирӣ, табобати саривақтӣ ва дастгирии пайравии табобати сил, сили мутобиқгашта ва Сил / ВНМО дар байни маҳбусон ва маҳбусон дар давраи озодшавӣ бо бемории сил, мебошад.

• Қаблӣ
• Баъдӣ