Оиди ВНМО/БПНМ

Салом. 

1. Гуфтан мумкин нест, ки тамоми намояндагони гурӯҳи номбаршуда гирифтори ВНМО ҳастанд, чунин нест, зеро хавфи гузариши ВНМО то он сатхе нест, ки ҳама гирифтори он шаванд. Албатта намояндагони ин гуна гурӯҳ назар ба дигарон хавфи зиёди сирояти ВНМО ва дигар бемориҳои бо роҳи алоқаи ҷинсӣ гузарандаро доранд. Замима бар ин, гуфтан зарур аст, ки аз давраи сироят шудан ба бемории ВНМО то дар таҳлилҳо муайян шудани он фосилае вуҷуд дорад ва дар даст доштани таҳлили манфӣ аз сироят надоштани ин нафарон дарак намедиҳад. Аз ин лиҳоз, дар вақти алоқаи ҷинсӣ бо онҳо, ҳар яки онҳоро ҳамчун сирятшуда бояд хисобид ва худро хаматарафа муҳофизат намудан зарур аст, зеро аз намуди зоҳирии инсон аз сироятпазирии он дарк кардан ғайриимкон аст.
2. Назорати саломатии ҳар як инсон дар дасти худи уст. Албатта дар байни ин гурӯҳ ҳастанд нафароне, ки нисбат ба саломатии худ ғамхор ҳастанд ва худро мунтазам муоина мекунанд. Ҳамзамон ҳастанд ташкилотҳои чамъиятие, ки ба онҳо нисбати ин чорабини, яъне ташхисгузарони оид ба бемориҳои сирояти кӯмак мерасонанд. Аммо, гуфтан мумкин нест, ки ин ташкилотҳо ҳама намояндагони ин гурӯҳро медонанду хизмат мерасонанд. Зеро на ҳама намояндагони чунин гурӯҳҳо меҳоҳанд худро ошкор намоянду ба ин ташкилотҳо муроҷиат мекунанд. Аз ин лиҳоз, барои пешгирии сирояти ВНМО ба назоратнамоии чунин шахсон умедвор шудан лозим несту, ҳар як шахс худро худаш бо истифода аз чораҳои зарури бояд муҳофизат кунад ва аз ҳама бехтараш аз алоқаи ҷинсӣ бо намояндагони ин гурӯҳҳо худдори намояд. 

Бо эҳтиром,
Умед Талбов