Оиди ВНМО/БПНМ

Салом!

Аввалин нишонаҳои бемории ВНМО-сироят метавонанд дар моҳи аввали баъд аз сироят пайдо шаванд ва ба монанди зуком ё мононуклеози сирояти нишона дошта бошад. Ин давраро давраи шадиди бемори меноманд. Баъд аз он, солҳои дароз (8-10 сол) бемори ба давраи бенишонаги мегузарад, ки дар ин давра шахси гирифтори ВНМО ягон нишонаи бемориро надорад. Баъд аз ин давра бошад, давраи пайдошавии нишонаҳо сар мешаванд, ки ин нишонаҳо, вобаста аз сатхи масуният ва хусусиятҳои хоси хар як организми инсон, гуногун мебошанд. Нишонаҳо гуногун мебошанд, аз ҷумла таб ва дарунравии сабабшон номаълум, ки зиёда аз 1 мох давом мекунанд, логарии бесабаб, бемориҳои гуногуни замбуругии пусту узвҳои инсон, авч гирифтани бемориҳои вазнин ба монанди сил, ситомегаловирус, пневмонияи пневмосисти, саркома Капоши ва гайраҳо. Агар дар инсон яке аз нишонаҳо ва ё бемориҳои дар боло зикршуда пайдо шаванд, пас ин нишондод барои аз ташхиси ВНМО гузаштан мебошад. Барои муайян сохтани сирояти ВНМО шахс бояд таҳлили хунашро гузаронад. Чунин таҳлилҳоро дар озмоишгоҳҳои маҳсус (аз ҷумла, марказҳои ВНМО-и шаҳру нохияҳо) бо усули тести очили ва ё ТИФ (таҳлили иммуноферменти) метавон гузашт.

Бо эҳтиром,

Умед Талбов