Оиди равоншиносӣ

Салом.

Пеш аз ҳама, бо бачаатон машварат гузаронидан лозим аст. Ҳамаи чизро ошкоро бо номҳои худ гап задан лозим аст. Масалан: кирм, бактерия неву маҳз вирус ном гирифта шавад. Дар бораи пайравӣ ба табобати зиддиретровирусӣ фаҳмонида шавад. ТЗРВ (табобати зиддиретровирусӣ) ВНМО-ро пурра нест карда наметавонад, аз ин сабаб, доруҳоро ҳар рўз, доимо, бе таъхир, яъне тамоми ҳаёт истеъмол намудан лозим аст. Ҳангоми вайрон намудани реҷаи истеъмоли доруҳо муолиҷа бесамар мегардад ва муқовиматпазирӣ (устуворӣ нисбати доруҳо ё "резистентность") инкишоф меёбад.

Пайравӣ ба табобат чӣ маъно дорад?

1. Саривақт, бе таъхир истеъмол намудани доруҳои таъиншуда аз тарафи духтур;
2. Риоя намудани тавсияҳо оид ба ғизо.
3. Муҳим аст, ки пайравӣ садфоиза бошад. Чӣ қадаре, ки пайравӣ зиёдтар бошад, ҳамон қадар эҳтимолияти муваффақияти муолиҷа бештар мегардад.
4. Барои хоҳишро дар мизоҷ инкишоф додан, беҳтар мебуд, ки машварати мутахассисро бигзаранд. Бо розигии волидайн мавқеи сироятёбӣ (статус)-ро ба фарзандатон бигўем. Вақте ў дар бораи худаш маълумотро пурра фаҳмад, вай шахсан барои нигоҳ доштани саломатии худаш ҳаракат мекунад, ки доруҳоро саривақт истеъмол кунад.

Бо эҳтиром,

Ҷӯраева Ризвон (равоншинос)