Оиди равоншиносӣ

Салом.

Албатта, пеш аз ҳама бояд асабро идора карда тавонем, чунки асабонӣ шудан метавонад оқибат ба бисёр бемориҳо бурда расонад.
Агар шумо дар давоми вақти дарозмуддат дар чунин ҳолат бошед, яъне ларзиши панҷаҳои дастонатон мушоҳида карда шавад, ҳатман ба духтури оилавиатон муроҷиат кунед.
Умуман ҳаяҷон, қаҳру ғазаби зараррасон, хашм, ҷангҷӯӣ, хар- хаша, ранҷонидани дил шахсро метавонад асабонӣ кунад, ки ин яке аз сабабҳои асосии харобшавии системаи асаб ва ҳатто метавонад ба ларзиши панҷаҳои дастон оварда расонад.
Бояд қайд кард, ки ба тарзи суханронӣ диққат диҳем. «Сухани нек»-е гӯем, ки «барои обод кардан бошад».
Якум сабаби муҳиме, ки ба тарзи суханрониамон бояд аҳамият диҳем, дар он аст ки суханон дорои қувват мебошанд.
Чӣ тавре ки об дарахти хушкшудаистодаро зинда мегардонад, ҳамин тавр сухани мулоим ҳам, ба онҳое ки онро гӯш мекунанд, тароват мебахшад. Бадзабонӣ бошад, баръакс рӯҳафтода мегардонад. Дар ҳақиқат суханоне, ки мо мегӯем қувваи ранҷондан, ё қувваи шифо бахшиданро доранд.
Сабаби дуюме, ки бояд ба тарзи суханронии худ аҳамият диҳем, дар он аст ки гуноҳ ва нокомилӣ моро бармеангезанд, ки забонамонро нодуруст истифода барем.
Чун шиноваре, ки муқобили ҷараён шино мекунад ва бо он мубориза мебарад, ба мо низ лозим меояд, ки бо майли гунаҳкоронаи нодуруст истифода бурдани забони худ мубориза барем.
Ҳатто норасоии витамини В 12 ба системаи асаб таъсири худро мерасонад, ки низ ба ларзиши панҷаҳои дастон оварданаш мумкин. Он бисёртар дар гӯшт, моҳӣ, мурғ, тухм ва маҳсулоти ширӣ во мехӯрад.

Саломатии худро эҳтиёт кунед. 

бо эҳтиром, 

Ризвона Ҷӯраева.