Оиди масъалаҳои ҳуқукӣ

Салом!

Тибқи талаботи м. 41 Қонуни конститутсионии ҶТ “Дар бораи суди Конститтсионии ҶТ” шахсони воқеӣ Суди конститутсионии ҶТ дар шакли хаттӣ дархост пениҳод мекунанд. Дар дархост бояд нишон дода шаванд: номи Суди конститутсионии ҶТ; насаб, ном, номи падар, суроғаи шахси муроҷиаткунанда ё ном ва суроғаи ташкилот ё мақоми муроҷиаткунанда; насаб, ном, номи падар, суроғаи намояндаи шахси муроҷиаткунанда ва ваколати ӯ; ном, суроғаи мақомоти давлатӣ ё насаб, ном ва номи падари шахси мансабдори санади меъёрии ҳуқуқиро қабулкарда, ҷонибдорӣ карда ва ба имзорасонида, ки ба Конститутсияи ҶТ мувофиѕат доштани он мавриди баррасӣ қарор дода мешавад; ном, сана ва рақами қабул, манбаи интишор ва дигар маълумот оид ба санади меъёрии ҳуқуқии мавриди баҳс қароргирифта; ҳолатҳо ва далелҳои мушаххас дар хусуси ба Конститутсияи ҶТ мувофиқат надоштани меъёрҳои мушаххаси санади меъёрии ҳуқуқӣ, ки муроҷиаткунанда талаб ва далелҳои худро бо онҳо асоснок мекунад; вайроншавии ҳуқуқу озодиҳои мушаххаси конститутсионии инсон ва шаҳрванд аз татбиѕи санади меъёрии ҳуқуқии ба андешаи муроҷиаткунанда ба Конститутсияи ҶТ мувофиқатнадошта; моҷияти талаби муроҷиаткунанда; номгӯи ҳуҷҷатҳои ба пешниҳод ё дархост замимашаванда.

Бо эҳтиром,

Нигина Хоҷиматова