Оиди ҳепатитҳои вирусӣ

Дуруд, пеш аз ҳама миннатдории худро оиди ташкили чунин сомонаи фоидабахш мерасонам. Баъдан, чунин савол доштам. Ман, чанд сол боз инҷониб нияти хонадор шуданро доштам. Чанд сол борҳо ба монеаҳои зиёд гирифтор шудам ва билохира духтареро маъкули худам донистам. Баъд аз розигӣ додани волидайни духтар мо тасмим гирифтем, ки аз духтур бигзарем, ҳамин тавр ҳам шуд. Вакте аз духтур гузаштем, маро ГЕПАТИТ В буроварданд. Ҳайрон аз он мондам, ки бидуни дур будан аз корхои бад, чаро ин намуд гепатит дар хуни ман ҷойгир шуда бошад. Аз куҷо, чӣ тавр, ростӣ бисёр дар фикр фурӯ рафтам. Мегӯянд, дар вақти дандонканӣ ё дигар вақт мегузарад. Вакте ман дандонҳоямро табобат кардам, аз маводи лозимии худам истифода мебурдам. Падару модари духтар ҳам инро фаҳмиданду кор то ба инкор кардан омада расид. Хамин қадар талошу заҳматхои ман гуё ки ҳеҷ буд. Саволи ман чунин аст, оё дар ҳолати супоридани хун оиди ГЕПАТИТ ягон хел муаммое ҳаст? Оё хатогӣ ҳам мешавад? Дар ҳолати хатогии ДУХТУРОН бояд чӣ кор кард? Оё нархномаҳое ки оиди супоридани гепатитҳо мавҷуданд, аз ҳамдигар фарк мекунанд? Ба ғайр аз алоқаи ҷинсӣ ё дар вақти табобати дандону дигару дигар боз ягон сабаби сироятёбии ин гуна беморӣ ҳаст? Оё дар ҳолати номувофик фаъолияти ягон узви инсон дар холати ташхис ин гуна бемориро мебароварда бошад?