Пешгирӣ

Омилҳои хавф

Ду омили асосии сироятшавӣ аз БС чунин мебошанд: таъсирпазирии аз ҳад зиёд нисбати сироят ва алоқа бо беморе, ки гирифтори шакли аёни БС мебошад.   Ба гурӯҳи хавф  таалуқ доранд:

• Шахсоне,  ки доимо дар алоқаи зичи маишӣ  бо бемор  қарор доранд  (донишҷӯёни хобгоҳ,  аъзоёни як оила);
• Шахсоне, ки аз  маводи нашъдор ва машруботи спиртӣ сӯиистеъмол мекунанд;
• Шахсоне, ки  ҷойи  истиқомати доимӣ надоранд;
• Кормандони тиб;
• Кормандони муассисаҳои  ислоҳӣ ва ё ҳабсхонаҳо.
• Шахсоне, ки истеъмоли ғизояшон   чандон хуб нест;
• Шахсоне, ки дар гузашта  бинобар гирифторӣ ба БС гумонбар шудааанд;
• Шахсоне, ки ба наздикӣ  сироятро аз сар гузаронидаанд;
• Шахсоне, ки мубталои  диабети қанд,  сирояти ВНМО мебошанд;
• Шахсоне, ки аз маводи нашъадор, тамоку ва машруботи спиртӣ сӯиистеъмол мекунанд;
• Шахсоне, ки мавриди  табобат  доруҳои пасткунандаи фаъолияти системаи масуниятро  қабул мекунанд.

 Профилактика

Айни замон асоси пешгирӣ кардани БС ваксинаи  БСЖ  мебошад. Дар асоси  «Тақвими миллии эмкунии пешгирикунанда» эмро ҳангоми  мавҷуд набудани аломатҳои манъкунанда дар таваллудхона, рӯзҳои 3-7-уми ҳаёти навзод  мегузаронанд.  Эми дуюмро ҳангоми санҷиши  манфии Манту ва мавҷуд набудани аломатҳои манъкунанда дар сини  7-14 солагӣ  мегузаронанд.

Бо мақсади муаян кардани БС дар марҳилаи ибтидоӣ,  гузаронидани таҳқиқоти флюорографӣ  соле на камтар аз 1 маротиба зарур аст (вобаста аз ҳолати саломатӣ, касбу кор  ва  мансубият ба «гурӯҳҳои гуногуни хавф»). Инчунин ҳангоми тағйирёбии қатъии санҷиши Манту нисбат ба дафъаи пешин, аз муоина гузаштан зарур буда, аз ҷониби силшинос гузаронидани химиотерапияи пешгирикунанда бо ёрии  якчанд доруҳо, дар маҷмӯъ бо витаминҳо ва гепатопротекторҳо метавонад тавсия карда шавад.

• Баъдӣ