20 сентябри соли 2019, дар ш. Бохтар, Вохӯрии кории ташкилотҳои шарикон, ки хизматрасониҳои тиббӣ ва иҷтимоӣ дар вилояти Хатлон пешкаш менамоянд, баропо гардид.

20 сентябри соли 2019, дар ш. Бохтар, Вохӯрии кории ташкилотҳои шарикон, ки  хизматрасониҳои тиббӣ ва иҷтимоӣ дар вилояти Хатлон пешкаш менамоянд, баропо гардид. Дар ҷаласа 35 намояндагони ташкилотҳои давлатӣ ва ҷамъиятӣ, ки дар соҳаи пешгирии ВНМО, табобат, нигоҳубин ва дастгирӣ фаъолият мекунанд, иштирок намуданд.

Вохӯрии корӣ бо дастгирии Раёсати тандурустии вилояти Хатлон ва лоиҳаи «Мустаҳкамкунии шароити мусоид ва васеъ намудани миқёси чорабиниҳои профилактикии табобат ва нигоҳубин барои нигоҳ доштани паҳншавии эпидемияи ВНМО дар Ҷумҳурии Тоҷикистон», ки аз ҷониби Ташкилоти ҷамъиятии ҷумҳуриявии «Афиф» дар вилояти Хатлон бо дастгирии молиявии БРСММ-Тоҷикистон ва Хазинаи Глобалӣ амалӣ мегардад, гузаронида шуд.

Дар вохӯрии корӣ иштирокчиён ҳолати эпидемиологии бемории ВНМО дар вилояти Хатлон, саволҳо оиди ҷалб намудани гурӯҳҳои осебпазири аҳолӣ ба табобати зиддиретровирусӣ ва ташшакули пайравӣ ба ТЗР-ро муҳокима намуданд.

ТҶҶ «Афиф» ба иштирокчиёни вохӯрии корӣ натиҷаҳои  лоиҳаи «Мустаҳкамкунии шароити мусоид ва васеъ намудани миқёси чорабиниҳои профилактикӣ, табобат ва нигоҳубин барои нигоҳ доштани паҳншавии эпидемияи ВНМО дар Ҷумҳурии Тоҷикистон»-ро пешниҳод намуда, оиди роҳҳои ҷалб намудани истифодабарандагони маводи нашъаи тазриқӣба табобати ҷойивазкунандаи ёрирасон,  мушкилиҳои ба миён омада, роҳҳои ҳаллӣ онҳо ва дарсҳои омӯхташуда, маълумот дод.

Иштирокчиёни вохӯрии корӣ  қрор қабул намуданд, ки хамкорӣ байни муассисаҳои давлатии тандурустӣ ва ташкилотҳои ҷамъиятӣ оид ба дастрас намудани хизматрасониҳои тиббӣва ичтимоӣба гурӯҳҳои осебпазири аҳолӣ беҳтар ва барои дастрасии ҳаматарафаи хизматрасони дар соҳаи пешгирии ВНМО ва паст кардани зарар барои нашъамандони тазриқӣ мусоидат карда шавад.

• Қаблӣ
• Баъдӣ