6 сентябри соли 2017 дар шаҳри Хуҷанд вохӯрии корӣ оид ба «Дурномаҳои миллӣ доир ба васеъ намудани дастрасӣ ба ташхиси ВНМО. Чораҳои мукаммал дар иҷроияи дурномаи 90х90х90и UNAIDS» баргузор мегардад.

МАЪЛУМОТНОМА

6 сентябри соли 2017  дар шаҳри Хуҷанд вохӯрии корӣ оид ба «Дурномаҳои миллӣ доир ба васеъ намудани дастрасӣ ба ташхиси ВНМО. Чораҳои мукаммал дар иҷроияи дурномаи 90х90х90и UNAIDS» баргузор мегардад.

Чорабинии мазкур аз ҷониби ташкилоти ҷумҳуриявии ҷамъиятии «СФШҒ-Тоҷикистон» дар ҳамкорӣ бо Раёсати тандурустии Мақомоти иҷроияи ҳокимияти давлатии вилояти Суғд, МД «Маркази ҷумҳуриявии пешгирӣ ва мубориза бар зидди бемории ВНМО» дар доираи татбиқи нақшаи муштараки Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва «СФШҒ-Тоҷикистон» барои соли 2017 сол ташкил карда мешавад.

Дар чорабинӣ 50 нафар намояндагони ташкилотҳои давлатӣ ва ҷамъиятӣ аз ВМКБ, вилоятҳои Хатлон ва Суғд, инчунин аз шаҳри Душанбе иштирок менамоянд. Мақсади асосии чорабинии пешбинишуда - ин мустаҳкам намудани ҳамкорӣ байни ташкилотҳои давлатӣ ва ҷамъиятӣ барои таъмини пешкаш намудани хизматрасониҳои ҳамаҷониба, ҳамоҳанг ва муттаҳид барои гурӯҳҳои осебпазири аҳолӣ дар соҳаи ВНМО ва Сил/ВНМО мебошад.

Дар қисми аввали вохӯрӣ иштирокчиён бо муқаррароти асосии стратегияи нави UNAIDS 90х90х90, фаъолияти асосии Барномаи миллӣ оид ба мубориза бар зидди эпидемияи ВНМО/БПНМ дар Ҷумҳурии Тоҷикистон барои давраи 2017-2020 сол ва таҷрибаи «СФШҒ-Тоҷикистон» доир ба ҳамгироии хизматрасонӣ ва татбиқи МИТ шинос хоҳанд шуд.

Дар қисми дуюми чорабинӣ, намояндагони ташкилотҳои ғайридавлатӣ дар якҷоягӣ бо роҳбарони Марказҳои пешгирӣ ва мубориза бар зидди бемории ВНМО қадамҳои амалиеро, ки барои татбиқи хизматрасонии МИТ дар назди ташкилотҳои ҷамъиятӣ мусоидат менамоянд, коркард мекунанд ва инчунин дар пешкаш намудани машварати пеш тести ВНМО машғулиятҳо мегузаронанд.

Вохӯрии корӣдар доираи лоиҳа «Коҳиши норасоӣ дар соҳаи тандурустӣ ва хуқуқҳо барои гурӯҳҳои осебпазири аҳолӣ2,0», ки аз тарафи Вазорати корҳои хориҷии Нидерландия, маблағгузорӣ карда мешавад ташкил карда мешавад.

• Қаблӣ
• Баъдӣ