Лоиҳаи USAID оид ба барҳам додани бемории сил дар Осиёи Марказӣ бахшида ба Рӯзи умумиҷаҳонии мубориза бо бемории сил чорабиниҳо баргузор мекунад

Лоиҳаи USAID оидбабарҳамдоданибемориисилдарОсиёиМарказӣбахшидабаРӯзиумумиҷаҳонии мубориза бо бемории сил чорабиниҳо баргузор мекунад

Аз 29 март то 9 апрели соли 2021 Лоиҳаи USAID оид ба барҳам додани бемории сил дар Осиёи Марказӣ дар якҷоягӣ бо марказҳои сил дар ноҳияҳои пилотии вилояти Хатлон ва Суғд бахшида ба Рӯзи умумиҷаҳонии мубориза бо бемории сил чорабиниҳои иттилоотӣ ва маърифатӣ баргузор менамояд.

Чорабиниҳо бо мақсади баланд бардоштани сатҳи огоҳии аҳолӣ оид ба пешгирӣ ва табобати сил асосан дар нуқтаҳои аҳолинишини дорои сатҳи баланди ин беморӣ ташкил карда мешаванд. Ҳозирин дар викторинаҳои шавқовар иштирок карда, ба саволҳо ҷавоб медиҳанд ва саҳнаҳои ҷолибро тамошо мекунанд, ки дар онҳо худи беморони сил нақш мебозанд. Баъди таътили баҳорӣ инчунин барои мактаббачагон озмунҳои беҳтарин рӯзномаи деворӣ ва иншо дар мавзӯи "Шумо дар бораи бемори сил чӣ медонед?" ташкил карда мешавад. Ғолибони озмунҳо, суолу ҷавобҳо ва иштирокчиёни фаъоли саҳнаҳо бо тӯҳфаҳои хотиравӣ сарфароз гардонида мешаванд.

Лоиҳаи USAID оид ба барҳам додани бемории сил дар Осиёи Марказӣ бо мақсади коҳиш додани мушкилоти бемории сил дар Тоҷикистон тавассути баланд бардоштани иқтидори маҳаллӣ ва минтақавӣ барои беҳтар намудани табобати бемории сил ва бемории сили ба дорувор устувор амалӣ карда мешавад.

• Қаблӣ
• Баъдӣ